Velkomin á ráðningarvef Kynnisferða

Kynnisferðir er leiðandi ferðaþjónustufyrirtæki sem sérhæfir sig í fólksflutningum og skipulagningu ferða innanlands. Dótturfélög Kynnisferða eru: Ferðaskrifstofa Kynnisferða, Hópbílar Kynnisferða, Bílaleiga Kynnisferða (Enterprise) og SBK.

Hjá Kynnisferðum starfar metnaðarfullt starfsfólk sem leggur sig fram við að veita framúrskarandi þjónustuupplifun. Markmið okkar er að hafa yfir að ráða hæfu og áhugasömu starfsfólki sem nýtir þekkingu sína í daglegum störfum og skapar jákvætt starfsumhverfi.

Kynnisferðir leggja ríka áherslu á að skapa skemmtilegan vinnustað þar sem öryggi og heilsa starfsmanna og viðskiptavina er í fyrirrúmi. Öflugar öryggisráðstafanir og forvarnir eru veigamikill þáttur í starfseminni. Sem fyrirtæki í ferðaþjónustu þá er það markmið okkar að nálgast náttúruna með sjálfbæra þróun að leiðarljósi.



Meðhöndlun starfsumsókna

  • Allar umsóknir um störf hjá Kynnisferðum fara í gegnum ráðningarvefinn.
  • Allar umsóknir eru meðhöndlaðar sem trúnaðarmál.
  • Konur jafnt sem karlar eru hvattar til að sækja um störf hjá Kynnisferðum.
  • Umsóknum um auglýst störf er svarað þegar búið er að ráða í starfið. Umsóknarferlið tekur að jafnaði 4 vikur frá því að laust starf er auglýst. Almennum umsóknum er svarað eftir bestu getu.
  • Umsóknir eru geymdar í 6 mánuði, nema umsækjandi óski sérstaklega eftir öðru.
  • Hafir þú áhuga á að vinna með okkur hvetjum við þig til að skrá þig og senda okkur umsókn – við munum svara eins fljótt og auðið er!

Vissir þú?

Kynnisferðir flytja um 1 milljón farþega og aka tæplega 6 milljón kílómetra á ári. Bílafloti Kynnisferða er nýlegur og einn sá stærsti á Íslandi.

right content

Um okkur

Hjá Kynnisferðum og dótturfélögum starfa um 320 starfsmenn. Í boði eru fjölbreytt störf á starfsstöðvum okkar í Reykjavík og í Keflavík. Um er að ræða störf í dagvinnu, vaktavinnu sem og hlutastörf.

Kynnisferðir leggja áherslu á jafnrétti og var jafnframt fyrsta fyrirtækið í ferðaþjónustu sem fékk Jafnlaunavottun VR. Það er staðfesting á að konur og karlar fái sömu laun fyrir sambærileg og jafnverðmæt störf.

Kynnisferðir eru með virka öryggis-, heilsu- og vinnuverndarstefnu og styrkir árlega íþróttaiðkun starfsfólks.

Starfsmannafélag Kynnisferða heldur uppi virku félagslífi og stendur fyrir fjölbreyttum og skemmtilegum uppákomum.

  • Kynnisferðir
  • Klettagörðum 12
  • 104 Reykjavík
  • Sími: 580 5400